كشفت الممثلة السورية أمل عرفة إصابتها بفيروس كورونا من خلال منشور كتبته عبر أحد مواقع التواصل الاجتماعي.
وكتبت: "خمس أطباء لحد الآن أكدوا إصابتي (بكوروناية بنت حلال)، وبما إني بنت حلال وبآمن بإرادة الله فأنا قوية وعم اتعامل مع حالتي وكأنها كريب عاديرغم انو الألم كافر".
وأضافت: "أنا بخير واللي كاتبو الله بدو يصير، الكمامة كانت رفيقتي، السبيرتو والمعقمات والكلور تقريباً كانو بارفاناتي المفضلة، مخالطة لم أخالط لذلك ما فيه داعي مخلوق صدفني بالشارع يقلق من أي عدوى.. كورونا سنصاب به جميعاً، انتبهوا عالكبار بالعمر.. انتبهوا ع أصحاب الأمراض المزمنة، انتبهوا من الاستهتار، بعد أيام رح اتعافى بإذن الله وارجع كمل تصوير.
وختمت: "استمعتوا، كل عمري بقول الحياة مزحة مرات بتكون بايخة، نحنا ضيوف وبس، وهي قناعتي قبل الكورونا، ألف سلامة سوريا، شكراً للأطباء المتواصلين على مدار الساعة معي يللي عم يعملوه منع الفايروس من الوصول إلى الرئة، وكله معتمد على المناعة الثقة الطب العلم والإيمان".
